Қосымша ретінде жерлеу рәсіміне кеткен ақшаның түбіртегі тіркелген.

Шерзат Полат ісінде жәбірленуші тараптың адвокаты Мейірман Шекеев марқұмның әкесі, анасы мен әжесіне сұралатын моральдық өтемақының мөлшерін айтты.

Біріншіден, ⁠Шынасыл Абзалдан Қаржаубай Нұрымовтың пайдасына ұлының жерлеу рәсімімен қатысты жұмсалған шығынның өтемі ретінде 2 794 000 (екі миллион жеті жүз тоқсан төрт мың) теңге мөлшеріндегі соманы өндірілді.

"Екіншіден, Шынасыл Абзалдан және Равиль Сәкиевтен ортақ үлес ретінде Нұрымов Қаржаубайдың (әкесі) пайдасына қылмыстық құқық бұзушылыққа келтірген моральдық зиянды өтеуі ретінде 100 миллион теңге мөлшерінде өтемақы өндіруді сұраймыз. Демек, әрқайсына шаққанда 50 миллион теңге деп есептеп отырмыз. Шынасыл Абзалдан және Равиль Сәкиевтен ортақ үлес ретінде Бейшембиева Гүлбараға (анасы) қылмыстық құқық бұзушылыққа келтірген моральдық зиянды өтеуі ретінде 100 миллион теңге мөлшерінде өтемақы өндіруді сұраймыз. Шынасыл Абзалдан және Равиль Сәкиевтен ортақ үлес ретінде Қадырова Жұмабикенің (әжесі) пайдасына қылмыстық құқық бұзушылыққа келтірген моральдық зиянды өтеуі ретінде 100 миллион теңге мөлшерінде өтемақы өндіруді сұраймыз. Сонымен қатар, Белқожаев Шыңғыс, Әскентай Дархан, Ильясов Нұрқияс, Тоқтаубаев Азамат, Тоқтаубаев Нұрболат, Қалиахмет Дидардан ортақ үлес ретінде Нұрымов Қаржаубайдың пайдасына қылмыстық құқық бұзушылыққа келтірген моральдық зиянды өтеуі ретінде әрқайсынан 20 миллионғ жалпы сомасы 120 миллион теңге өндіруді сұрап отырмыз", – деді адвокат Шекеев.

Сонымен қатар Белқожаев Шыңғыс, Әскентай Дархан, Ильясов Нұрқияс, Тоқтаубаев Азамат, Тоқтаубаев Нұрболат, Қалиахмет Дидардан Бейшембиева Гүлбараға 20 миллион теңгеден өтемақы өндіру сұралды. Шерзаттың әжесіне де осы сомманы төлеу сұралды. Қосымша ретінде жерлеу рәсіміне кеткен ақшаның түбіртегі тіркелген. Адвокат бұл өтемақыны психолог зерттеу қорытындысының негізінде талап етіп отырғанын айтты.

Оқи отырыңыз: Шерзаттың ағасының төбелес кезінде алған жарақаты жеңіл дене жарақаты деп бағаланды

Еске салайық, 16 жастағы Шерзат Полат 2024 жылғы 4 қазанда төбелес кезінде алған пышақ жарақатынан қаза болды. Осы оқиға бойынша 11 адам ұсталды. Шамамен бір аптадан кейін Шерзаттың отбасы тұратын Азат ауылындағы үйі өртеніп кетті. Бас прокуратура бұл өрттің қасақана қойылғанын хабарлады.

21 қаңтарда тергеу аяқталды. Оның аясында 40 сот-медициналық сараптама жүргізіліп, 200-ге жуық куәгерден жауап алынды.

Қылмыстық істің көлемі – 62 том.