Дональд Трамп Венесуэлаға кіріп-шығып жатқан мұнай танкерлеріне шектеу енгізгенін айтты. Бұл шара АҚШ санкцияларына іліккен кемелерге қатысты.
Сонымен қатар ол Венесуэла билігін шетелдік террористік ұйым деп танығанын хабарлады. Енді аймақтағы әскери бақылауын күшейтпек. Онсыз да АҚШ әскері қыркүйек айынан бері Кариб теңізіндегі есірткі тасымалдайтын кемелерге қарсы операциялар жүргізіп келеді. Бұған ашынған Венесуэла билігі БҰҰ Қауіпсіздік Кеңесіне Американың «үдеп бара жатқан қысымын» талқылау үшін жиналыс өткізуді сұрап, өтініш жолдады.
