Есепті кезеңде 62,8 млрд текше метр газ өндірілді.
Энергетика вице-министрі Сұңғат Есімханов 2025 жылғы қаңтар-қараша айларындағы отын-энергетикалық кешеннің жағдайы туралы баяндады, деп хабарлайды inbusiness.kz сайты.
"Есепті кезеңде мұнай және газ конденсатын өндіру көлемі өткен жылдың сәйкес кезеңімен салыстырғанда 114,1% құрады. 11 айдың қорытындысы бойынша – мұнай экспорты 73,4 млн тонна немесе өткен жылдың сәйкес кезеңіне 116,1%. Атап өту қажет, мұнай экспортының осы жылғы 70,5 млн тонна жоспарлы көрсеткішіне қол жеткізілді", – деді Энергетика вице-министрі.
Жыл басынан бері 62,8 млрд текше метр газ өндірілді. Бұл өткен жылдың сәйкес кезеңімен салыстырғанда 116,7%.
"Биыл 62,8 млрд текше метр көлеміндегі газ өндіру жоспары да орындалды. Сұйытылған мұнай газын өндіру көлемі 2,8 млн тонна немесе өткен жылдың сәйкес кезеңімен салыстырғанда 101,8%. Ел аумағы арқылы газ транзитінің көлемі 64,5 млрд текше метр болды, бұл өткен жылдың сәйкес кезеңіне 100,9%", – деп атап өтті Сұңғат Есімханов.
