Жәнібек ауданы әкімдігінің мәліметінше, Күйгенкөл ауылдық округіне қарасты аумақта бүгін сағат 15:57 шамасында Жасқайрат ауылынан 10 шақырым қашықтықта 59 жастағы ер адамның мәйіті табылды.
Анықталғандай, марқұм 13 желтоқсан күні 57 жастағы ер адаммен бірге Бұқар қыстағынан мал бағуға шығып, сол күйі қайта оралмаған, деп жазады inbusiness.kz сайты.
Батыс Қазақстан облысы полиция департаменті баспасөз қызметінің хабарлауынша, бұған дейін боран салдарынан тағы үш адамның мүрдесі табылған. Алдын ала деректерге сәйкес, олардың бірі мал іздеуге кеткен, екіншісі жолдан адасқан, ал үшіншісі қолайсыз ауа райы жағдайында көз жұмған.
