Танымал әнші Әли Оқапов әлеуметтік желідегі парақшасында бұрын көпшілікке жария етілмеген ерекше фотосуреттер топтамасын бөлісті деп хабарлайды Sn.kz ақпарат порталы.
Кадрларда оның балалық шағынан сыр шертетін сәттер мен анасы Қазақстанның халық әртісі, қазақ эстрадасының аңызы Роза Рымбаеваның жастық кезіндегі естеліктері бейнеленген.
Өнер иесі бұл суреттерді анасының туған күніне орай жариялап, оған деген шексіз құрметі мен махаббатын қысқа да нұсқа түрде жеткізді.
«Мама, туған күніңмен», – деп жазды Әли Оқапов жазба астына.
Желі қолданушылары да жылы ықыластарын білдіріп, Роза Қуанышқызын туған күнімен жаппай құттықтады. Көпшілік халық әртісіне ақжарма тілектерін арнап, оның қазақ өнеріндегі орны айрықша екенін атап өтті.
