Бұған дейін бұл көрсеткіш 3,75-4% деңгейіне дейін төмендетілген.
АҚШ-тың Федералды резерв жүйесі жыл басынан бері үшінші рет негізгі пайыздық мөлшерлемені төмендетті. Жаңа пайыздық мөлшерлеме 3,5-3,75% аралығында болып белгіленді, деп хабарлайды inbusiness.kz сайты.
Бұл жолғы төмендету де 0,25 пайыздық тармақты құрады. Бұған дейін мөлшерлемені төмендету процесі тоқтатылған болатын. Оған Дональд Трамп әкімшілігінің экономикалық шешімдері инфляцияны жылдамдатып жіберуі мүмкін деген қауіп-қатер себеп болған.
Федералдық резерв жүйесінің мәліметінше, АҚШ-та экономикалық белсенділік баяу өсіп жатыр, еңбекпен қамту көрсеткіші бәсеңдеген, ал инфляциялық қауіп-қатер деңгейі жоғары күйінде қалып отыр.
"Қолда бар деректер экономикалық белсенділіктің қалыпты өсіп жатқанын көрсетеді... Инфляция жыл басына қарағанда артты және әлі де жоғары деңгейде тұр", – делінген мәлімдемеде.
Осылайша елде экономикалық преспективаға қатысты белгісіздік сақталуда екені көрсетілген.
Бұған дейін АҚШ-тың Федералдық резерв жүйесі пайыздық мөлшерлемені 3,75-4% деңгейіне дейін төмендеткен болатын.
Маусым айының соңында АҚШ президенті Дональд Трамп Федералдық резерв жүйесінің басшылығын пайыздық мөлшерлемені төмендетуге шақырған. Оның сөзінше, мөлшерлемені 1 пайыздық тармаққа түсіру экономикаға 300 миллиард доллар, ал 2 тармаққа төмендету 600 миллиард доллар әкеледі.
