Астанада таңертеңнен бері жүзге жуық жол апаты тіркелді. Бұл жөнінде қалалық Полиция департаменті хабарлады.
Ұшқындай жауған қардың салдарынан Елордада жол қозғалысы едәуір қиындап, 93 жол-көлік оқиғасы тіркелген. Полиция өкілдері жүргізушілерге жылдамдықты асырмауды, көліктер арасындағы қашықтықты сақтауды ескертуде.
Сондай-ақ қысқы дөңгелекпен жүрудің міндетті талап екенін еске салуда. Ережені бұзу заң бойынша жауапкершілікке әкеледі. Полиция департаменті жол жағдайын бақылауды жалғастырып жатыр. Тұрғындарды ауа райының күрделілігін ескеріп, барлық жол ережелерін қатаң сақтауға шақырды.
