Солтүстік антициклон барлық аймақта аязды күшейтеді.
"Қазгидромет" мәліметінше, алдағы уақытта Қазақстанның бүкіл аумағында аяз күшейеді.
9 желтоқсанда солтүстік-батыс пен солтүстік өңірлерге солтүстік антициклон жылдам жетіп, соның салдарынан барлық аймақта аяз күшейеді.
"Суық ауа массаларымен толыққан бұл антициклон алдымен елдің солтүстік жартысында, кейін бүкіл Қазақстан аумағында жауын-шашынның тоқтауына және ауа температурасының күрт төмендеуіне әкеледі", – делінген хабарламада.
Түнде ауа температурасы төмендейді:
- солтүстікте –22…–30°С;
- шығыста –27…–35°С;
- оңтүстік және оңтүстік-шығыста –10…–20°С.
