АҚШ президентінің сөзінше, Зеленский бейбіт жоспар туралы ұсыныспен әлі толық таныспаған.
Бұл туралы Дональд Трамп БАҚ өкілдеріне берген сұхбатында айтып берді, деп хабарлайды inbusiness.kz сайты.
Ол Зеленскийдің командасы АҚШ ұсынған бейбіт жоспарды қолдаса да, президенті жоспардың мазмұнымен таныс емес екенін айтады.
– Біз Путинмен, украин басшыларымен және Зеленскиймен сөйлестік. Менің көңілім түсті, президент Зеленский әлі ұсынысты оқымаған. Оның адамдары жоспарды қолдап отыр, бірақ ол "жоқ" деуден танбайды. Ол жайлы мен бірнеше сағат бұрын ғана білдім. Ресей Украинаны толық жаулауды қалар еді, бірақ Ресейге қазіргі ұсынылған жоспар ұнап тұр. Бірақ, бұл жоспар Зеленскийге ұнайтынына күмән бар, – дейді АҚШ президенті.
Трамптың сөзінше, Ресей бұл жоспарға оң қабақ танытып отыр. Ал Зеленский ұсынысты толық қарамаған соң, бұл жоспармен келіспейтін секілді.
Осыған дейін Трамп Зеленскийден ұсынылған бейбіт жоспарды тезірек мақұлдауды сұраған, тіпті талап еткен еді.
Ол жоспар – Ресей-Украина арасындағы соғысты тоқтату туралы. Бірақ, екі ел арасы мен халықаралық қоғамдастықта оған қатысты әртүрлі сын, алаңдаушылық бар.
