Қазақстан құрамасы ойын соңында есепті теңестіруге талпынғанымен, шабуылдар нәтижесіз болды.
Қазақстан ұлттық құрамасы маусымдағы соңғы жолдастық матчында Фарер аралдарына 0:1 есебімен есе жіберді.
Қазақстан құрамасы ойынға мына құрамда шықты: Шайзада, Малый, Әліп (к), Қайров, Жұмат, Каримов, Жуков, Жагоров, Қасабұлат, Караман, Эльхан Астанов.
Кездесу бейтарап алаңда, Хорватияның Пула қаласындағы "Альдо Дросина" стадионында өтті. 25-минутта матчтағы жалғыз голды Петур Кнудсен соқты.
УЕФА талаптарына сәйкес, әрбір құрама жыл ішінде 10 матч өткізуі керек. Қазақстан осымен сегіз іріктеу кездесуін және Беларусьпен өткен жолдастық матчын (1:4) өткізді.
Осылайша, маусымдағы соңғы матчта ұлттық құрамамыз минималды айырмашылықпен қарсыласқа жол берді.
