Шымкентте «Таза Бейсенбі» экологиялық акциясы аясында тұрғын үйлердің ауласы тазартылды. Эко науқанға «Amanat» партиясының өкілдері, «Жастар рухы» жастар қанатының мүшелері , коммуналдық мекеме жұмысшылары мен тұрғындар қатысты.
Айта кетейік, жыл басынан бері 45 рет тазалық шарасы ұйымдастырылды. Өзен-көлдердің айналасы, жолдардың бойы және қоғамдық орындардың аумағы күл-қоқыстан тазартылды. Төрт мыңнан астам адам акцияға үлес қосып, жүздеген тонна қоқыс полигонға шығарылды. Ұйымдастырушылардың айтуынша, акция алдағы уақытта да жалғасады.
Ербол Байқоныс «Amanat» партиясы қалалық филиалы атқарушы хатшысының орынбасары:
- Тазалаумен ғана емес қала тұрғындарын, қонақтарын осы тазалықты сақтауға шақыру бірінші міндетіміз. Тазалық деген әрбір салады болады. Рухани тазалық, экологиялық тазалық. Өзінің тазалығы деген сияқты. Сондықтан әрбір жерде тазалықтың сақталуын басты міндет етіп аламыз.
