Тиісті жаңашылдық жеке тұлғалардың коллекторлық және микроқаржы ұйымдарының алдындағы берешегіне қатысты болмақ.
Қаржы министрлігі Кредиттік бюроның активтер мен міндеттемелер туралы, кірістер мен мүлік туралы декларацияны ұсыну жөніндегі міндеті туындаған жеке тұлғалардың коллекторлық және микроқаржы ұйымдарының алдындағы берешегі бойынша мәліметтерін мемлекеттік кіріс органдарына ұсыну қағидаларын бекітті, деп хабарлайды inbusiness.kz сайты.
Қаржы министрлігінің Мемлекеттік кірістер комитеті есепті жылдан кейінгі жылдың 25 қарашасынан кешіктірілмейтін мерзімде есепті жылдың 31 желтоқсанындағы жағдай бойынша активтері мен міндеттемелері, кірістері мен мүлкі туралы декларацияны ұсыну бойынша міндеті туындаған жеке тұлғалардың тізімін қалыптастырады.
Комитет жеке тұлғалардың тізімін қалыптастырған сәттен бастап күнтізбелік 10 күн ішінде Комитеттің "Smart Data Finance" ақпараттық жүйесі арқылы кредиттік бюроға жеке тұлғалар (ЖСН) туралы мәліметтерді автоматтандырылған тәртіппен жібереді.
"Кредиттік бюро комитеттен жеке тұлғалар туралы мәліметтерді алған күннен бастап 10 жұмыс күні ішінде комитетке автоматтандырылған тәртіппен Комитеттің "Smart Data Finance" ақпараттық жүйесі арқылы активтер мен міндеттемелер, кірістер мен мүлік туралы декларацияны ұсыну жөніндегі міндет туындаған жеке тұлғалардың коллекторлық ұйымдар алдындағы берешегі бойынша, активтер мен міндеттемелер, кірістер мен мүлік туралы декларацияны ұсыну жөніндегі міндет туындаған жеке тұлғалардың берешегі бойынша мәліметтерді жібереді. Комитет пен кредиттік бюро осы қағидалар шеңберінде алынған ақпараттың құпиялылығын қамтамасыз етеді", – делінген құжатта.
Бұйрық 2025 жылғы 31 желтоқсанды қоса алғанға дейін қолданыста болады.
