Ауыр жараланған азамат "Қазавиақұтқару" ұшағымен Астанаға жеткізілді.
Ақтөбе облысында 12 адамның өмірін қиған ірі жол апатында ауыр жараланған 50 жастағы ер адам Астанаға арнайы ұшақпен жеткізілді, деп хабарлайды ТЖМ.
Қазақстан Төтенше жағдайлар министрлігінің мәліметінше, науқас ТЖМ-нің "Қазавиақұтқару" ұшағымен тасымалданған. Медициналық борт қажетті құрал-жабдықтармен толық қамтамасыз етілген, ал ұшу кезінде дәрігерлер оның жағдайын үздіксіз бақылап отырды.
Посмотреть эту публикацию в Instagram
Публикация от Қазақстан Республикасы Төтенше жағдайлар министрлігі (@112kz_)
"Экипаж бен медициналық бригада науқастың қауіпсіз және жылдам жеткізілуін қамтамасыз етті. Қазір ол елордалық дәрігерлердің бақылауында емін жалғастырып жатыр", – делінген ТЖМ хабарламасында.
Оқи отырыңыз: Ақтөбе облысында 12 адам қаза болған жол апатының себептерін анықтау үшін үкіметтік комиссия құрылды
