Маңғыстау облысында "Батыс" және "Шығыс" өңірлік қолбасшылықтары әскерлерінің қатысуымен "Айбалта-2025" екіжақты жедел-тактикалық командалық-штабтық оқу-жаттығуы өтеді.
Бұл ҚР Қарулы күштері Құрлық әскерлерінің жауынгерлік даярлық бағдарламасы шеңберінде жүзеге асады, деп хабарлайды inbusiness.kz сайты.
Дайындық барысында бүгіннен, яғни 12 қыркүйектен бастап бірқатар облыстардың аумағынан күш-құралдардың қозғалысы қарастырылған. Бөлімшелер (жеке құрам және әскери техника) аралас тәсілмен – теміржол және автокөлікпен жүріп өтеді, содан кейін тұрақты орналасқан пункттеріне қайтады.
– Азаматтардан сабыр сақтауды және ресми ақпарат көздеріне ғана сенуді сұраймыз! Жалған мәліметтерді тарататындар үшін қылмыстық жауапкершілік қарастырылғанын ескертеміз! – делінген ресми хабарламада.
ҚР Қорғаныс министрлігі аталған кезеңде жекелеген аудандарда уақытша шектеулер болуы мүмкін екенін жасырмайды.
