Әне-міне дегенше оқу жылы да аяқталды. Биыл 217 мың түлек алтын ұя мектеппен қоштасты. Оның 183 мыңы ҰБТ тапсырады. Былтырғымен салыстырғанда тестілеуге қатысушылардың саны 30 мыңға артқан. 16 мамырда басталған ҰБТ 7 шілдеге дейін жалғасады. Ал мемлекеттік гранттың нәтижесі 10 тамызға дейін жариялануы тиіс. Содан кейін 2 апта ішінде түлектер жоғары оқу орнына тіркелуге міндетті. Биыл қанша түлек тегін оқитыны әзірге белгісіз. Бірақ соңғы 5 жылда елде грант саны 1,4 есеге өсті. Жағымды жаңалық мұнымен бітпейді. 1 қыркүйектен бастап білім алушылардың шәкіртақысы 2 есе көбейеді.
