Оны 40 шақырымға ағыс алып кеткен.
Қапшағай су қоймасында екі күн бұрын жоғалған әйел аман-есен табылды, деп хабарлайды Төтенше жағдайлар министрлігі.
"Ол Sup-тақтаға мініп серуендеген. Алайда жел туристі жағадан алыстатып жіберген. Алматы облысының Қапшағай су қоймасындағы ТЖМ қызметкерлері 1966 жылғы әйелді құтқарды. Ол 30 тамызда Sup-тақтамен жүзіп жүріп, желдің екпінімен жағадан алыстап кеткен", – делінген хабарламада.
Құтқарушылар оны оқиға орнынан 40 шақырым жерде тапты.
"Әйел есін біледі, жағаға жеткізіліп, қажет медициналық көмек көрсетілді. Іздестіру-құтқару жұмыстарына 106 адам, 29 бірлік техника және бес ТЖМ жүзу құралы, сонымен қатар еріктілер ұйымы мен жергілікті тұрғындар тартылды. Іздеу жұмыстарына қатты соққан боран кедергі келтірген", – делінген хабарламада.
