Қытай тұтынушылары қазақстандық өнімдер ішінде азық-түлік, табиғи косметика, зергерлік бұйымдар және туризмге қызығушылық танытып отыр.

Grey Cardinals PR агенттігі Қытайдың бес жетекші маркетинг агенттігімен әріптестік туралы меморандумға қол қойды. Бұл серіктестік аясында тараптар қазақстандық брендтерді Қытай нарығында дамытуды кешенді қолдау бағытында күш пен ресурстарын біріктіреді. Қызмет PR-кампаниядан бастап, онлайн және офлайн сатылымды кеңейтуге дейінгі шараларды түгел қамтиды.

Агенттіктің қытайлық серіктестері Бейжің, Шанхай, Гуанчжоу, Шэньчжэнь сынды Қытайдың ірі қалаларында, сондай-ақ оңтүстік-шығыс Азия, Гонконг және Макаода да жұмыс істейді. Бұл Бұл түрлі өңірдің мәдени ерекшеліктеріне сай стратегия құруға және кең аудиториямен жұмыс істеуге мүмкіндік береді.

"Қытай нарығында цифрлық сауда-саттық айрықша қарқынмен дамып жатыр. 2024 жылы live-commerce сатылымдарының көлемі шамамен 46 пайызға өсіп, 1 триллион юаньға жақындады. Ал аудиториясы 1,3 млрд адамнан көп WeChat сынды әлеуметтік экожүйелер коммуникация мен клиентті ұстап қалудың басты каналына айналып отыр", – делінген Grey Cardinals хабарламасында.

Қазақстан мен қытай арасындағы екіжақты тауар айналымы 41 млрд доллардан асты. Бұл ретте Қытай тарапынан Қазақстанның экологиялық, органикалық және премиум санатындағы өнімдеріне сұраныс тұрақты өсіп келеді. Әсіресе, азық-түлік (бал, ет, сүт өнімдері), табиғи заттардан әзірленген косметика, зергерлік бұйымдар және туризмге деген сұраныс жоғары.

Grey Cardinals бұл ретте бизнеске PR-кампания әзірлеу, инфлюенсерлермен жұмыс, брендті e-commerce және әлеуметтік желіде дамыту, дистрибьюторлармен кездесу және басқа да шараларды қамтитын кешенді тәсілді ұсынып отыр.

"Біз өз нарығымызда брендтердің абырой-беделі мен сатылымын арттыруға көмектесіп, көптеген жетістікке жеттік. Енді біз қазақстандық компаниялардың Қытай нарығын игеруіне көмектесу бойынша өз алдымызға жаңа мақсат қойып отырмыз", – деді Grey Cardinals PR агенттігінің басқарушы серіктестері Ольга Каленичук және Александр Керимов.

Ұсыныстар мен сұрақтар бойынша +7 701 980 2662 телефон нөміріне және Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. электронды мекенжайына хабарласуға болады.

Оқи отырыңыз:

Grey Cardinals Қытайдың консалтингтік компаниясымен меморандумға қол қойды