Сонымен қатар прокурор Ернар Жиембайдан жәбірленушілерге 30 АЕК (118 890 теңге ) өндіруді сұрады.
Прокурор Шымкент қаласы әкімінің орынбасары Руслан Берденовке шабуыл жасаған сотталушыны 11 жыл 3 айға бас бостандығынан айыруды сұрады.
Мемлекеттік айыптаушы Бауыржан Қараманов оқиғаның мән-жайына тоқталып, сотталушы Ернар Жиембайдың кінәсі куәгерлердің айғақтары және өзге де дәлелдермен толық дәлелденгенін айтты.
Прокурордың айтуынша, жәбірленушіге қасақана оқ атқан Жиембайдың әрекеті ҚР ҚК 24-бабының 3-бөлігі және 99-бабының 1-бөлігімен дұрыс сараланған. Ол қызметтік кикілжіңнен туындаған өшпенділікпен Руслан Берденовке қарай бес рет оқ атқан. Дегенмен, қылмыстық әрекетін соңына дейін жүзеге асыра алмаған. Ернар Жиембайдың әрекетін жеңілдететін мән-жай ретінде оның кәмелетке толмаған балаларының болуы ескеріліп отыр. Ал ауырлататын мән-жай – қылмысты масаң күйде жасағаны. Медициналық сараптама қорытындысы да сотталушының жеңіл дәрежеде мас болғанын көрсеткен.
"Сотталушы Жиембайды ҚР ҚК 24 бабының 3 бөлігі, 94 бабының 1 бөлігімен кінәлі деп танып, оған 11 жыл үш ай мерзімге бас бостандығынан айыру жазасын тағайындауды сұраймын", – деді прокурор.
Прокурор Ернар Жиембайдан жәбірленушілерге 30 АЕК (118 890 теңге) өндіруді сұрады.
Оқи отырыңыз: "Ернар Жиембайды үш рет қана көрдім". Руслан Берденов сотта онлайн жауап берді
Оқи отырыңыз: "Әйеліме лайк басып, жазған". Берденовке қастандық жасады деген күдікті жанжалдың себебін ашты
Еске салайық, оқиға 21 сәуірде Шымкент әкімдігі ғимаратының жанында болды. Шымкент әкімінің орынбасары Руслан Берденовке оқ атқандар ұсталып, уақытша ұстау изоляторына қамалды. Аталған факті бойынша қылмыстық іс қозғалды.
