Берденовке қастандық ісінде куәгер Аманғали Кенжебеков сотта түсініктеме берді. Оның айтуынша, 21 сәуірде басқарма басшысының орынбасары Ажибаев қоңырау шалып, сол кезде “Тұрғын үй Шымкент” ЖШС директоры болған Ернар Жиембайдың жұмыстан шығу туралы өтініш жазған-жазбағанын анықтап беруді сұраған, деп хабарлайды Skifnews.kz ақпарат порталы.
Кенжебеков бұл жайды нақтылау үшін Жиембайдың өзіне хабарласқанын айтты. «Ернар: “Неге бұлай істейді, оған бір ай уақыт берген жоқ па?” – деп жауап берді. Бұған дейін оның тарапынан ешқандай тәртіп бұзу немесе заңсыз әрекет байқамадым», – деді ол.
Куәгердің сөзінше, Жиембайды қызметке тағайындау немесе жұмыстан босату – басқарма басшысының құзыреті. Ал Берденовтің ондай өкілеті болмаған.
