Тараптар тарифтік саясат бойынша ымыраға келе алды
Бұл туралы Caravan.kz медиа порталы kaz.inform.kz-ке сілтеме жасап хабарлайды.
Шотландиядағы кездесуде АҚШ президенті Дональд Трамп пен Еурокомиссияның басшысы Урсула фон дер Ляйен Вашингтон белгілеген мерзім — 1 тамыз қарсаңында өзара баж салығы бойынша келісімге қол жеткізе алды. АҚШ келісімсіз ЕО-дан келетін барлық тауарға 30% баж салығын енгізуге уәде берді.
BBC хабарлағандай, Трамп баспасөз мәслихатында АҚШ-қа Еуропалық Одақ елдерінен импорт тарифі кем дегенде 15% болатынын айтты. Сонымен қатар оның айтуынша, ЕО елдері АҚШ-тан 150 миллиард долларлық әскери техниканы, энергия тасымалдаушыларды сатып алып, Америка экономикасына 600 миллиард доллар инвестиция салады.
Осылайша, ірі нарық ойыншылары арасындағы сауда соғысы тоқтатылады. Трамп көктемде АҚШ-тың сауда серіктестерімен тарифтік саясатты өзгерту бағытын жариялаған еді, мұны коммерциялық қатынастарды теңестіруге деген ұмтылыспен байланыстырды.
Фон дер Ляйен бұл келісімді «үлкен» деп атады. Кездесу қарсаңында ол да, Трамп та оның аяқталу мүмкіндігін «50-50» деп бағалады.
Бұл келісім Вашингтон мен Брюссель арасындағы төрт айға созылған күрделі келіссөздерге нүкте қойды.
