Ол тыйым салынған жерде суға шомылған.
Ақтөбе облысында жедел-құтқару жасағы 15 жастағы жасөспірімнің денесін Шалқар көлінен шығарды, деп хабарлайды inbusiness.kz сайты.
"Қайғылы оқиға 22 мамыр күні сағат 17:00 шамасында болды. Жасөспірім шомылуға рұқсат етілмеген жерде суға батып кеткен.
Іздеу жұмыстары дамба маңындағы аумақта жүргізілді. Мұндағы тереңдік 4-6 метр. Аталған жерде шомылуға тыйым салынғаны туралы белгі орнатылған", – деп хабарлады облыстық ТЖД баспасөз қызметі.
