Оңтүстік Кореяның Муджу қаласында өткен таэквондодан "World Taekwondo Diamond Game 2025 G-4" турнирінде Қазақстан құрамасы аралас командалық сында күміс жүлдегер атанды.
Жарыс барысында ұлттық құрама алдымен Францияны 2:0, кейін Өзбекстанның A құрамасын 2:1 есебімен жеңіп, финалға шықты, деп жазады inbusiness.kz сайты.
Алайда шешуші кездесуде Өзбекстанның B құрамасына 0:2 есебімен есе жіберіп, турнирді күміс медальмен аяқтады.
Ұлттық құрама сапында Мерген Ганиев, Абдурахмон Марипов, Камила Аймукашева және Аида Таукенова ел намысын қорғады.
