Кандидатураны АҚШ Сенаты мақұлдауы тиісті.
Ақ үй Джули Стаффты Қазақстандағы АҚШ-тың елшісі лауазымына тағайындауды жоспарлап отыр. Ақ үйдің сайтында тиісті ақпарат жарияланды, деп хабарлайды inbusiness.kz сайты.
Трамп Қазақстандағы АҚШ-тың елшісі лауазымына Джули Стаффтың кандидатурасын ұсынды. Енді кандидатураны АҚШ Сенаты мақұлдауы тиіс.
Джули Стаффт бұған дейін Молдова мен Джибутидегі АҚШ елшіліктерінде миссия басшысының орынбасары, Ұлттық қауіпсіздік кеңесінде, Польша, Ресей және Эфиопиядағы дипломатиялық өкілдіктерде, Мемлекеттік департаменттің жедел орталығында және консулдық қызметтер бюросында жұмыс істеді.
Қазақстандағы АҚШ-тың елшісі болған Дэниел Розенблюм бұл қызметтен 2025 жылдың 20 қаңтарында кетті. Ол 2022 жылдың қараша айынан бері Қазақстандағы миссия басшысы қызметін атқарды. Одан кейін елшілікті уақытша сенімді өкіл Дебби Робинсон басқарды.
