Қостанайда жануарларға қатыгездік танытуға қатысты тағы бір дерек тіркелді, — деп хабарлайды Massaget.kz тілшісі "Наша Газета" басылымына сілтеме жасап.
Басылым оқырманының айтуынша, 6 шілдеде SPA Comfort кешені маңындағы қоқыс контейнерінен қара пакет табылған. Оның ішінде күшіктер болған.
"Бір күшіктің тұншығып өлгені анық, қалғандары аман қалды. Нақты саны белгісіз, бірақ бесеуден көп болды деп ойлаймын. Өкінішке қарай, мен оларды өзіме ала алмаймын. Мүмкін, жанашыр адамдар мен еріктілер көмектесер", – деді оқырман әйел.
Кейінірек әйел үш күшіктің ғана аман қалғанын нақтылады. Қазір олар "Надежда Плюс kst" ҚБ еріктілерінің қамқорлығында, иттерге арналған оңалту орталығында орналастырылған.
Басылым оқиғаға байланысты пікір алу үшін Қостанай облыстық Полиция департаментінің баспасөз қызметіне ресми сауал жолдады.
Instagram парақшамызға жазылып, ең қызықты ақпараттарды бірінші болып оқыңыз!
