Соңғы тәулікте Израиль армиясының Газа секторына жасаған әуе соққылары салдарынан кемінде 118 палестиналық көз жұмып, 581 адам жарақат алған, деп хабарлайды Egemen.kz Al Jazeera-ға сілтеме жасап.
АҚШ пен Израильдің қолдауымен жұмыс істейтін гуманитарлық көмек көрсету орталықтарына да шабуыл жасалған. Салдарынан 12 адам қаза тауып, 49 адам түрлі жарақат алған.
Сонымен қатар соңғы күндері аймақтағы жағдай күрт шиеленіскен. Тек соңғы 48 сағаттың ішінде 300-ден астам адамның қаза тапқаны белгілі болды.
Al Jazeera дерегіне сүйенсек, әуе соққыларының көпшілігі бейбіт тұрғындар шоғырланған баспана мен қоныс аударушылар орталықтарына бағытталған.
Израиль тарапы бұл шабуылдарды ХАМАС қозғалысының әскери нысандарына қарсы операциялар деп сипаттап отыр. Алайда тәуелсіз ақпарат көздері мен халықаралық гуманитарлық ұйымдар бейбіт халықтың жапа шегіп жатқанын алға тартқан.
