Антикор функциялары ҰҚК мен Мемлекеттік қызмет істері агенттігіне бөліп беріледі.
Мемлекет басшысы Қасым-Жомарт Тоқаев мемлекеттік басқару жүйесінің тиімділігін жаңғырту және арттыру мақсатында жаңа қаулыға қол қойды. Оған сәйкес, Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) қайта ұйымдастырылып, Ұлттық қауіпсіздік комитетінің Сыбайлас жемқорлыққа қарсы іс-қимыл қызметі құрылады.
Сондай-ақ, Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) сыбайлас жемқорлыққа қарсы саясатты қалыптастыру мен іске асыру, сыбайлас жемқорлыққа қарсы іс-қимыл саласындағы үйлестіру, сондай-ақ сыбайлас жемқорлық құқық бұзушылықтар жасауға ықпал ететін себептер мен жағдайларды барынша азайту, сондай-ақ сыбайлас жемқорлыққа қарсы мәдениетті қалыптастыру жөніндегі функциялары мен өкілеттіктері Қазақстан Республикасы Мемлекеттік қызмет істері агенттігіне беріледі.
Ал Ұлттық қауіпсіздік комитеті мен Мемлекеттік қызмет істері агенттігін берілетін функциялар мен өкілеттіктерге сәйкес Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) құқықтары мен міндеттемелерінің құқықтық мирасқоры болып айқындалады.
Оқи отырыңыз:
Тоқаев Ұлттық қауіпсіздік комитетінің басшылық құрамымен жиын өткізді
