Еліміздің оңтүстігі мен орталығында аптап ыстық пен желге байланысты төтенше жағдай қаупі болуы мүмкін.
"Қазгидромет" синоптиктері 2025 жылғы 27 маусымға арналған ауа райы болжамын жариялады, деп жазады inbusiness.kz сайты.
"Жаңбыр жауып, найзағай болады. Елдің батысында, солтүстігінде, шығысында және орталығында жаңбыр күшейеді. Кей жерлерде бұршақ жаууы мүмкін", — деп мәлімдеді "Қазгидромет" РМК баспасөз қызметі.
Сонымен қатар республика бойынша желдің күшейеді, оңтүстікте шаңды дауыл болуы ықтимал.
Жоғары өрт қаупі бар өңірлер: Абай облысының орталығы, Алматы облысының оңтүстігі мен шығысы, Ақмола облысының солтүстік-батысы, Жамбыл облысының оңтүстігі мен солтүстігі, Батыс Қазақстан облысының батысы мен шығысы, Солтүстік Қазақстан облысының оңтүстігі, Атырау облысы, Маңғыстау облысының солтүстік-батысы мен орталығы, Шығыс Қазақстан облысының солтүстігі.
Төтенше өрт қаупі мына өңірлерде болуы мүмкін: Жамбыл, Қызылорда, Түркістан облыстары, Алматы облысының солтүстігі мен батысы, Қарағанды облысының батысы, шығысы және оңтүстігі, Ақтөбе облысының батысы мен орталығы, Қостанай облысының солтүстігі мен оңтүстігі, Шығыс Қазақстан облысының оңтүстік-шығысы, Ұлытау облысының батысы мен оңтүстігі, Жетісу облысының солтүстігі, оңтүстік-шығысы және орталығы, Абай облысының батысы мен оңтүстігі.
