Келісімге жақын арада қол қойылады.
2025 жылғы 17 маусымда өткен "Орталық Азия-Қытай" екінші саммитінде сөз сөйлеген мемлекет басшысы Қасым-Жомарт Тоқаев Қазақстан Қытайдың ядролық энергетика саласындағы табысты тәжірибесіне мүдделі екенін және жақын арада тиісті келісімге қол қоюға ниетті екенін айтты.
Мемлекет басшысы өңірлік энергетикалық қауіпсіздікті нығайтуға, технологиялық дамуға және энергия көздерін әртараптандыруға көңіл бөлініп жатқанын атап өтті.
"Қытай Халық Республикасының атом энергетикасын дамытудағы бай, табысты тәжірибесін ескере отырып, біз осы стратегиялық салада тұрақты ынтымақтастықты дамытуға мүдделіміз. Біз келісімге жақын арада қол қоюға дайындаламыз", – деді Қасым-Жомарт Тоқаев.
Оқи отырыңыз: Тоқаев Қытайға 1,5 мың киікті сыйға тарту туралы шешім қабылдады
Бұған дейін Астанада маңызды халықаралық оқиға – "Орталық Азия – Қытай" екінші саммиті өтіп жатқаны хабарланған болатын. Оған Қазақстан, Қырғызстан, Тәжікстан, Түркіменстан, Өзбекстан және Қытай басшылары қатысып жатыр.
2025 жылғы 17 маусымда премьер-министрдің бірінші орынбасары Роман Скляр екінші АЭС бойынша шешім қашан қабылданатынын хабарлады.
