Boeing 787-8 Dreamliner бортында болған 38 жастағы Ұлыбритания азаматы аман қалды. Ол – 11А орындығында отырған Вишваш есімді жолаушы, деп хабарлайды Skifnews.kz ақпарат порталы.
«Ұшқан соң отыз секунд өтпей жатып, қатты гүрсіл естілді де, ұшақ жерге құлады. Барлығы көз ілеспес жылдамдықпен болды», – деді ол алғашқы сұхбатында.
Қатты соққыдан оның кеуде тұсы, көзі мен аяқтары жараланған. Дәрігерлер жағдайын тұрақты деп бағалап отыр.
Полиция өкілдері апаттан көз жұмғандардың нақты санын анықтап жатқанын хабарлады. Құтқарушылар оқиға орнында жұмыстарын жалғастыруда.
