Үндістанда апатқа ұшыраған ұшақ дәрігерлерге арналған жатақхананың шатысына құлаған, — деп хабарлайды Massaget .kz тілшісі ANI агенттігіне сілтеме жасап.
Жергілікті полиция офицерінің айтуынша, оқиға Ахмадабад әуежайының маңында болған.
"Бізге жолаушылары бар ұшақтың дәрігерлерге арналған жатақхананың шатысына құлағаны туралы хабар түсті. Оқиға орнына полиция мен басқа да қызметтер екі-үш минут ішінде дереу жетті. Құтқару жұмыстары жалғасып жатыр, аумақтың 70-80 пайызы тазартылды", – деді полицей.
Еске сала кетейік, 12 маусымда Air India әуе компаниясының Boeing 787 Dreamliner ұшағы Ахмадабадтан Лондонға ұшып бара жатып, әуеге көтерілгеннен кейін көп ұзамай апатқа ұшыраған болатын.
Air India мәліметінше, бортта 242 адам болған. Олардың ішінде 169-ы – Үндістан азаматы, 53 – Ұлыбритания, 1 – Канада, 7 – Португалия азаматтары.
Қызықты жаңалықтар мен видеоларды көру үшін TikTok арнамызға жазылыңыз!
