Жиналған заңсыз табыс көлемі 10,5 миллион теңге болды.
Қаржылық мониторинг агенттігі Алматы қаласы бойынша департаменті TikTok әлеуметтік желісі арқылы онлайн-құмар ойындарды ұйымдастырған екі тұрғынға қатысты сотқа дейінгі тергеп-тексеру ісін аяқтады, деп хабарлайды агенттіктің баспасөз қызметі.
Тергеу барысында күдіктілердің тұрақты түрде тікелей эфир өткізіп, құмар ойын ұйымдастырғаны анықталды. Азаматтар ойынға қатысу үшін ақшаны банк қосымшалары арқылы ұйымдастырушылардың шоттарына аударып отырған.
"Жиналған заңсыз табыс көлемі 10,5 миллион теңге болды. Сот үкімімен екі адам заңсыз ойын бизнесін ұйымдастырғаны үшін кінәлі деп танылды. Біріне бір жыл алты ай мерзімге бас бостандығынан айыру жазасы тағайындалса, екіншісі екі жыл алты айға бостандығын шектеу түріндегі жазаға тартылды", – делінген хабарламада.
Оқи отырыңыз: Қазақстанда ірі алаяқтық жасады деген шетел азаматы Черногорияда ұсталды
Айта кету керек, TikTok-тағы ойындардың негізгі аудиториясын жастар құраған. Бұл – интернет кеңістігінде белсенді жастардың құмар ойындарына тартылу қаупін арттырып отыр.
