Ақтау және оған жақын елді мекен тұрғындары ауадағы мұнай өнімдерінің иісіне шағымданды. Кейін экологтар тексеріс жүргізіп, көміртек тотығы шамадан асып кеткенін анықтады, — деп хабарлайды Massaget.kz тілшісі Lada.kz-ке сілтеме жасап.
Маңғыстау облысының экология департаментінің мәліметінше, атмосфералық ауа мониторингі 15–16 желтоқсанда қаладағы жағымсыз химиялық иіске қатысты көптеген шағымнан кейін жүргізілген. Бөгде иістің бар екені расталған.
"Иіс өнеркәсіптік аймақтар, соның ішінде "Рекон" базасы ауданынан шыққан деген болжам бар. Сол жерде көміртек тотығы (CO) бойынша шекті рұқсат етілген нормадан (ШРК) асып кеткен. Алайда түнде кәсіпорын аумағына кіру мүмкін болмағандықтан, нақты шығарындылар орны анықталмады", — деп хабарлады экология департаменті.
Сондай-ақ, өлшеу жүргізілген нүктелердің бірінде көміртек тотығының концентрациясы шекті рұқсат етілген мөлшерден 5 есе жоғары болғаны айтылды.
Мұндай жағдайда адамдарда бас ауруы, әлсіздік, жүрек айну, бас айналу, тез шаршау сияқты белгілер байқалуы мүмкін. Әсіресе балалар, қарттар және жүрек-қантамыр аурулары бар адамдар сезімтал келеді.
Өзекті жаңалықтарды өз уақытында оқу үшін Facebook парақшамызға жазылыңыз!
