Үкімет отырысында премьер-министр Олжас Бектенов еліміздің аумағын жылдамдығы жоғары интернетпен жаппай қамту арқылы ғана тиісті нәтижеге қол жеткізуге болатынын айтты, — деп хабарлайды Massaget.kz тілшісі.
"Тұрақты интернет бүгінде игіліктен бөлек, халықтың күнделікті өмірі мен заманауи экономиканың маңызды қажеттілігіне айналды. Сонымен қатар, жол бойында мобильді байланыс тұрақсыз, ауылды жерлерде интернет өте баяу, тіпті қалалардың өзінде ауқымды іс-шаралар барысында интернет сапасы нашарлап кетеді деген сыңайда арыз-шағымдар азаймай отыр", — деді премьер-министр.
Олжас Бектенов Жасанды интеллект министрлігіне осындай үлкен іс-шаралар кезінде байланыс және интернет инфрақұрылымына жүктеме күрт артуына қатысты мәселені операторлармен бірге мұқият пысықтауды тапсырды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
