Атырау облысында «Бірыңғай жинақтаушы зейнетақы қорынан» қаражатты заңсыз алуға араласқан 5 қылмыстық топ ұсталды.
Бұл туралы Қаржылық мониторинг агенттігі мәлімдеді. Қылмыстық топ 30-дан астам жалған стоматологиялық клинаканы пайдаланған. Бұл мекемелер тек қағаз жүзінде қызмет істегендіктен, ғимараттары да, жабдықтары да, білікті қызметкерлері де болмағаны анықталып отыр. Ал жалған медициналық құжаттарды рәсімдегені үшін күдіктілер азаматтардың алған қаражатынан 10%-тен 20%-ке дейін заңсыз сыйақы алып келген. Сонымен қатар қылмыстық топ 226 дроппердің көмегімен 200 млрд теңгеден астам қаржыны қолма-қол ақшаға айналдырған.
