Керуенде көкөніс, бақша , жеміс-жидек, балық және жергілікті қайта өңдеу өнімдері бар.
Түркістан облысынан 540 тоннадан астам ауыл шаруашылығы өнімдері тиелген жүк көліктері Абай облысына жол тартты, деп хабарлайды inbusiness.kz сайты.
– Жүк көліктеріне тиелген азық-түлік 2-3 тамыз күндері Семей қаласында өтетін ауыл шаруашылығы өнімдері жәрмеңкесіне қатысып, жергілікті тұрғындар мен қонақтарға Түркістан өңірінің ауыл шаруашылығы тауарларын нарықтағы құнынан арзан бағада ұсыну, – деп хабарлады Абай облысы әкімдігінің баспасөз қызметі.
Іс-шара Абай Құнанбайұлының 180 жылдығына орай қос облыстың ынтымақтастық келісіміне сәйкес және оңтүстіктен тарту ретінде ұйымдастырылып отыр.
