Шығыс Қазақстанда Риддер қаласының бұрынғы әкімі Даулет Батырбаевқа 2 миллиард теңге мемлекет қаржысын жымқырды деген айып тағылып, 8 жылға бас бостандығынан айырылды, деп хабарлайды Skifnews.kz ақпарат порталы.
Әкіммен бірге тағы екі адам да жауапқа тартылды.
Соттың мәліметінше, олар Өскемен мен Семей қалаларындағы көше шамдарын жаңарту жобасына қатысқан. Алайда бұл жұмыс барысында жалған құжаттар рәсімдеп, жұмыстардың құнын асырып көрсетіп, бөлінген қаржыны иемденіп отырған.
2022–2023 жылдар аралығында бірнеше айдың ішінде олар осылайша ірі көлемде қаражат ұрлаған. Айыпталушылардың бірі қылмысты ашуға көмектескен. Бұл жайт сотта жазаны жеңілдететін мән-жай ретінде есепке алынды.
