Ақтауда «Маңғыстау – түркі мәдениетінің төрі» атты республикалық командалық айтыс ұйымдастырылады, деп хабарлайды El.kz интернет порталы.
Айтыс 10 шілде күні қаладағы Достық үйінде сағат 10:00-де басталады. Дүбірлі додада Қазақстан құрамасы мен Маңғыстау командасы, сондай-ақ Қарағанды мен Түркістан облысының топтары өзара сынға түспек.
Өнер аламанына еліміздің белгілі ақындары мен өнерпаздары қатысады деп күтіліп отыр. Олардың қатарында Бекарыс Шойбеков, Жансая Мусина, Бейбіт Байжігіт сынды белгілі айтыс ақындары бар. Сондай-ақ жыршы-термешілер Ерболат Шалдыбеков, Ақылбек Өтешов, Оспан Құлсымақ және әнші-күйшілер Нұрым Асқанов пен Жәнібек Жәмиев өнер көрсетеді деп күтіліп отыр.
