371 млрд теңге. Мемлекет бала туғанда және оның 1,5 жасқа дейінгі күтіміне осынша қаржы төледі. Бұл биылғы жарты жылдағы көрсеткіш. Жәрдемақыны 333 мыңнан аса адам алған .
Еске салайық, бірінші, екінші, үшінші балаға 150 мың, төрт немесе одан да көп баласы барларға 250 мың теңгеге жуық жәрдемақы беріледі. Бұл бала туғанда берілетін бір реттік төлем. Ал сәби 1,5 жасқа толғанға дейін оның күтіміне байланысты төленетін ай сайынғы жәрдемақы 22 мыңнан бастап, 35 мың теңге аралығында.
Жәрдемақы мөлшері:
- бірінші, екінші, үшінші балаға – 38,0 АЕК немесе 149 416 теңге;
- төртінші және одан кейінгі балаларға – 63,0 АЕК немесе 247 716 теңге.
Бала күтіміне төленетін ай сайынғы жәрдемақы мөлшері:
- бірінші балаға – 5,76 АЕК немесе 22 648 теңге;
- екінші балаға – 6,81 АЕК немесе 26 777 теңге;
- үшінші балаға – 7,85 АЕК немесе 30 866 теңге;
- төртінші және одан кейінгі балаларға – 8,90 АЕК немесе 34 995 теңге.
Самал Қабышева
