Бүгін ел аумағында аптап ыстық болады, деп хабарлайды 24kz.
Жел де күшеюі мүмкін. Әсіресе, оңтүстік өңірлерде ауа температурасы 40 градусқа дейін барады. Синоптиктер шаңды дауыл соғады деп болжайды. Солтүстік пен шығыста да термометр бағаны 37 градусты көрсетуі ықтимал. Ал Қарағанды мен Көкшетауда күн райы жайлана түседі. Тіпті аздаған жаңбыр жауады. Елордамыз Астанада ауа температурасы 29 градусты көрсетеді.
