Ақмола облысында қайтарылған активтер есебінен салынған екі медициналық мекеме ашылды. Үкімет бұған арнайы мемлекеттік қордан 295 миллион теңге бөлді. Аршалы ауданына қарасты Арнасай ауылындағы амбулатория 2 мың науқасқа дейін қабылдай алады. Ал Бұланты ауданындағы жаңа медициналық пункт 1 мың адамға арналған . Екі мекемеде де физиотерапия, оңалтуға арналған замануи жабдықтар бар. Жуырда дәл осы облыста жемқорлардан қайтарылған қаржыға тағы 3 амбулатория мен 4 медициналық пункт ашылмақ. Оған арнайы қордан 1 млрд 700 мың теңге қарастырылған.
Аманғазы Сейіт, Арнасай ауылының тұрғыны:
Ауылымызда бұрын емдеу пункті кішкентай, нашарлау болатын. Ауыл болып қуанып жатырмыз. Мынадай үлкен ғимарат салып берді. Енді қаншама жұмыс орны ашылады.
Жанел Өтеулі
