23 маусымда кешке Отар-Алматы-1 учаскесінде қайғылы оқиға болды. Екі адам жолға шығып, пойыздың астына түскен. "Қазақстан темір жолы" баспасөз қызметі өкілі оқиғаның егжей-тегжейін айтты, — деп хабарлайды Massaget.kz тілшісі.
Компанияның баспасөз қызметі мәліметінше, Ақсеңгір-Бұрындай аралығында екі адам кенет пойыздың алдына шығып, екінші жаққа өтпек болған. Машинист белгі берген, бірақ екі адам оған жауап қатпаған. Оларға дейінгі қашықтық аз болғандықтан, пойыз шұғыл тоқтауға үлгермеген. Салдарынан екі адам да қайтыс болды.
Көліктегі полиция департаменті бұл оқиға бойынша қылмыстық іс қозғалғанын хабарлады.
Еске салайық, бұған дейін Жамбыл облысында жолаушылар пойызы трактор тіркемесіне соқтығыса жаздады.
Instagram парақшамызға жазылып, ең қызықты ақпараттарды бірінші болып оқыңыз!
